الصفحة الرئيسية | لوحة التحكم | التسجيل | الأعضاء | البحث | الرسائل الخاصة | الألبومات والصور

   

العودة   منتديات سفره للسياحة والسفر > سفره إلى الشرق الأوسط > سفره إلى الكويت و السياحة في الكويت KUW

إضافة رد
 
أدوات الموضوع انواع عرض الموضوع
  #1  
قديم 01-31-2011, 12:09 PM
q8ya metnaqla q8ya metnaqla غير متواجد حالياً
 
Arrow جدول سياحي لأمنا الغاليه الكويت

حياكم الله في ديرتكم الكـــــــويــــت وهذي الساعه المباركه
سويت جدول لمده تقريبا 13 يوم يعني تقدرون اتقسمون ويصير جدولين او انتقون منه الايام اللي تبونها وعاجبتكم، وحسب وقت وجودكم في الكويت اذا مواسم او شتا او صيف ..

بسم الله نبتدي معاكم

جدول سياحي لأمنا الغاليه الكويت

اليوم الاول: يوم الوصول

اذا قلنا وصلتوا الصبح ورحتوا الفندق وريحتوا وصليتوا الظهر تطلعون وتروحون اتغدون في

جدول سياحي لأمنا الغاليه الكويت

الغدا : مطعم ميس الغانم ( لبناني ) ، منطقة شرق ، على شارع الخليج العربي على البحر ..

جدول سياحي لأمنا الغاليه الكويت

بعد الغدا تروحون يمه سوق شرق اتمشون واتسوقون فيه وتقعدون في الكافيهات اللي على المرسى وعقب تطلعون منه وتروحون ..

متحف بيت ديكسون ( بيت المقيم السياسي البريطاني في الكويت ) منطقة شرق مقابل وزارة الخارجيه وبجانب وزارة التخطيط ، يعني اذا طلعتوا من سوق شرق اخذوا يمين وراح تلقونه على ايدكم اليسار ..

وبعده متحف بيت السدو على شارع الخليج العربي رقمهم 22432395 ، وبعدين ترجعون الفندق اتريحون بو ساعه وتطلعون على مارينا مول اتمشون و تحجزون فيلم وقت متأخر دشون بعد العشا ..

العشا مطعم ماكي (ياباني) في مارينا ويفز تطلع من جسر مارينا مول يوديك على جهة المطاعم على البحر في مكان بالنص شكل خيمه بنص البحر المطعم موجود اهناك اكله واايد حلو او المطعم اللي يمه ايطالي واكله حلو ..
وبعدها اتحلون في living room cafe تحتهم القعده مو طبيعيه بس لبسوا عدل (اذا كان الجو شتوي ) وبعدين دشوا الفيلم اللي حجزتوا له ..

اليوم الثاني :
جدول سياحي لأمنا الغاليه الكويت

الصبح على ال 9 اتريقون في مطعم واايد حلو اسمة ريوق ، منطقة الشعب البحري ، قطعه 8 بجانب مطعم فيلا فيروز ،، اذا كنتوا ماشين على خط فحيحيل باتجاه مدينه الكويت راح تصير الشعب على ايدكم اليمين الفرعي الثاني تدخلون وتمشون اشوي سيده تشوفون فيلا فيروز يمينكم دشوا يمين وبتشوفون المطعم ..


وبعد الريوق اتروحون تطلعون على خط فحيحيل باتجاه مدينه الكويت وتروحون سوق المباركيه بما ان الجو حلو ويحتوي على كل شي ( الذهب ، الملابس ، البشوت ، المسابييح ، العطور ، المكياج ، الخضار ، الفواكة والخ .... ) بعد ما اتخلصون تسوق وتمشي اتغدون في احد المطاعم الشعبيه اكلهم ترا واااااايد حلو عندكم ( دلق سهيل ، السيخ البحريني والخ ... من مطااعم ) ..

العصر تروحون متحف طارق رجب : عنوانهم الجابريه ، قطعه 12 ، شارع 5 ، اوقاتهم من 9-12 الظهر ومن 4-7 المسا تليفونهم 25317358 او 25339063.

بعد المتحف المغرب تروحون سوق السالميه الاحمر مكانه عند دوار الجوازات الدائري الخامس اتسوقون واتمشون فيه ..
العشاء على الساعه 10 مطعم الصنوبر (لبناني ) السالميه شارع البلاجات على البحر ..

اليوم الثالث :
جدول سياحي لأمنا الغاليه الكويت

الصبح اتريقون على 9:30 او 10 مطعم لونوتر في مول 360 منطقة جنوب السره على الدائري السادس ريوقهم وااايد حلوو بوفيه وبعد الريوق اتمشون واتسوقون في المول وسمعت توهم فاتحين لادوريه كافيه عندهم خوووش ماكروون بس لاتكشخون في هاليوم واايد وراكم لعب عقب ما اتخلصون سوق وتمشي اتغدون في مطعم B+F (امريكي ) اعتقد بس وااااااايد لذيييييذ ،، عقب اتصلون العصر في المول وتتجهون منطقة صبحان المنطقه مقابله لمنطقه جنوب السره وتروحون نادي الصيد والفروسيه ترمون اشوي وتركبون الخيل الدائري السادس بجانب مستشفى القوات المسلحة‫ظ†ط§ط¯ظٹ ط§ظ„طµظٹط¯ ظˆط§ظ„ظپط±ظˆط³ظٹظ‡ - ط§ظ„ظƒظˆظٹطھ | Facebook‬ ورقمهم 24717271
وبعدين المنطقه اللي بجنب صبحان والمطار منطقه الضجيج تروحون وتسابقون سيارات PRO KART هذي خريطتهم ورقمهم 90096121 فاتحين من 10 ص لي 12 مساء
Pro Kart Kuwait's Photos - Karting | Facebook

بعد ما اتخلصون تروحون الفندق تريحون وبعد صلاه العشا تروحون منطقه البدع ، شارع التعاون عند الفنادق موفنبيك وشيك وريجينسي قعدات خارجيه كافيهات ومطااعم اتعشون في مطعم المياس ( لبناني ) داخل منتجع شيك يطل على البحر الاكل حلو والقعده حلووه ،، او المطعم الايطالي ما اعرف اسمه اعلانه بالمقلوب يمه جافا ديتور كافيه ... وبعدين اتحلون في شوكلت بار عند الموفنبيك ..

اليوم الرابع :



جدول سياحي لأمنا الغاليه الكويت
الصبح اتريقون في الفندق اتسون ريوق بيتوتي جدول سياحي لأمنا الغاليه الكويت نخي وباجيلا وخبز ايراني جبن وخيار وزيتون من هالسوالف على اذان الظهر اتصلون واتوكلون على الله منطقة الدوحه ( المدينه الترفيهيه ) لي المغرب يعني لي 5 وبعدها تردون الفندق اتريحون ساعه او ساعه ونص ،، وتوكلون على الله باتجاه مجمع الافنيوز على الدائري الخامس اتسوقون واتمشون فيه ..

العشا في نفس المجمع مطعم NAPKET ايطالي وحلووو او مطعم رايس (شبه كويتي ) او فيلا فيروز (لبناني )

بعد العشا تدخلون السينما بالليل ..

اليوم الخامس :
جدول سياحي لأمنا الغاليه الكويت

الصبح الريوق على 9 في مطعم مركز سلطان بوفيه على البحر ، السالميه ، شارع الخليج العربي ..
بعد الريوق تروحون حولي اتسوقون في اسواقها اذا تبون شي عملي او للحفلات مجمع المهلب (شارع بيروت ) مجمع النقره الجنوبي والشمالي (شارع بيروت ) مجمع العثمان (شارع بن خلدون ) ..


الظهر الغدا في مطعم فريج صويلح (كويتي ) السالميه بجانب مارينا مول ،، بعد الغدا تروحون الفندق اتريحون وتطلعون على 3:30 انتوا داخل الابراج اتشوفون الكويت من فوق وبعدين تنزلون تحت الابراج تلعبون paintball حرب الاصباغ اللعبه واايد حلوه اذا كنتوا قروب تلعبون ضد قروب واذ شخصين تقدرون تدشون مع قروب هذا سايتهم Paintball Kuwait

وبعد صلاه العشا تختارون تروحون مسرحيه او حفله .. وراح تلقون في الجرايد اليوميه فعاليات هلا فبراير والامسيات والحفلات والندوات الدينيه ..

واذا ماتبون جذي تقدرون تروحون مجمع الصالحيه راقي وكله ماركات في مدينه الكويت شارع الجهراء اتمشون فيه وبعدين اتعشون في جوني روكتس (امريكي) بره مع المطاعم اللي عند النافوره ..

اليوم السادس :
جدول سياحي لأمنا الغاليه الكويت

الصبح 9:3 الريوق في مطعم البلد (لبناني)بوفيه ، منطقه شرق ، برج الخدمة المدنيه ويمهم برج الوطنيه للاتصالات ..


وبعدها تروحون السالميه شارع سالم المبارك واتمشون واتسوقون في هالمجمعات ( ليلى غالاري ، البستان ، الفنار، سنتر بوينت ، مركز سلطان سوبرماركت حلوو ، مجمع زهره ، مجمع مريم ، مجمع الثريا وتقعدون في احدى الكافيهات اللي على الشارع وكلهم مشي يم بعض ..

الغدا : دون ماريوز (ايطالي ) حلوو على البحر منطقه شرق مقابل ميس الغانم في مطاعم يسمونهم الضيافه فيلج او اتغدون في فيش ماركت (سي فود ) تحت الابراج..

بعد صلاه العصر تروحون متحف بيت الكويت للاعمال الوطنية ، عنوانهم منطقة الشويخ ، قطعه 7 ، شارع 7 بجانب المسرح العام ، فيلا 32 ،، تليفون 24846336.

بعد المتحف تروحون مجمع الرايه راقي وهدووء ، منطقه شرق ، شارع الشهدا ، مقابل المطافي اتسوقون وتقعدون في ماكرون كافيه وتاكلون ماكرون لذيييذ جدول سياحي لأمنا الغاليه الكويت

العشا مطعم سلايدر ستيشن (امريكي) مقابل قصر السيف ، منطقة شرق من بعد دوار مسيد الدوله الكبير اتكملون سيده تكون مطاعم على ايدكم اليسار ومن ضمنهم سلايدر وااايد حلوو ..

اليوم السابع :

جدول سياحي لأمنا الغاليه الكويت

الصبح الريوق مارينا ويفز السالميه ، مطعم زعتر وزيت على المرسى ،، بعد الريوق اتروحون المركز العلمي على شارع الخليج اذا خليتوا مارينا مول يمينكم كملوا سيده تلقون المركز العلمي على ايدكم اليسار لي وقت صلاه الظهر مثلا ..

بعدين اتروحون اتغدون في منطقه الشعب البحري على شارع الخليج العربي في مكان اسمه ملتقى الشعب في مطعم النوخذه ( سي فوود ) واااايد حللللوووو ويمهم حديقه الشعب بعد الغدا ريحوا اشوي مو واايد وبعدين دشوا لعبوا على 6 تطلعون منها ..

تروحون الفندق واتريحون اشوي بعد ماتصلون العشا تروحون يوم البحار مكان العاب وقعدات شعبيه واكل شعبي ،، او اتعشون في المباركية اذا تبون الاشياء الشعبيه ..

اذا ماتبون شعبي تروحون منطقه البدع واتعشون في مطعم واسابي (ياباني) اعتقد ..

اليوم الثامن :

الصبح اتريقون في مول 360 كاكاو كافيه يم لورينزو واتسوقون لي حزه الظهر ،، بعدين تروحون منطقه فحيحيل مجمع الكوت والمنشر واتمشون فيهم واتغدون في مجمع الكوت مطعم ياميجانا (لبناني) يطل على البحر وعقب الغدا ادشون سينما في مجمع الكوت ،، عقب السينما على المسيان تقعدون في وحده من الكافيهات اللي يطلون على النافووره المكاان واايد حلووو ..
واتمشون في اسواق فحيحيل الشعبيه وبعدها اتعشون في مكان اسمه spoons المكان حلوو باتجاه ابراج غاليه وعاليه اذا خليتوا مجمع كويت ماجيك يمينكم كملوا سيده تلقون مكتوب spoons اتعشون في فرايديز واتحلون في شوكلت بار ..

اليوم التاسع :

جدول سياحي لأمنا الغاليه الكويت

جدول سياحي لأمنا الغاليه الكويت

الصبح الريوق في مجمع الافنيوز مطعم لورنزو (ايطالي) واتسوقون اشوي مو وايد لان وراكم روحه الفروانيه مجمع العربيد في دراريع (الجلابيات) ومجمع مغاتير والحمرا مول ،، اتخلصون من الفروانيه تروحون السالميه اتغدون في مغل محل (هندي ) في ماركس اند سبنسر يم مارينا مول ..

وبعدين على 5 بعد ماتريحون تروحون متحف القرين (بيت الشهيد بدر العيدان ) عنوانهم : القرين ، قطعه 4 ، شارع 3 ، منزل 59 .. تليفونهم 25430343 ..

او اذا ماتبونه خلوه وريحوا وشوفوا لكم مسرحيه او حفله ، واذ ماتبون مسرحيه او حفله تقدرون تروحون سوق السالميه الاحمر او ارض المعارض في منطقه مشرف اذا كان في معرض او المعارض الصغيره اللي يم المستشفى الاميري منطقه شرق مثل ( fa gallary، بيت ديفا والسدره موجودين مطقه شرق ، 52 degrees موجود في الشويج مجمع التلال والمعارض اللي اعلاناتها في الجرايد والخ ... ) او مجمع البيرق في منطقه العقيله.

والعشا يكون في مطعم شرين بانو (ايراني) منطقه دسمان مقابل قصر الشيج جابر الصباح رحمه الله ...

اليوم العاشر :

OPEN DAY

اليوم الحادي عشر:

الصبح اتريقون في prime toast مقابل قصر السيف منطقة شرق وزاره الخارجيه على يمينكم وسيده اييكم دوار المسيد الكبير اتكملون يعد سيده اتشوفون المكان على ايدكم اليسار ريوقهم حلوو ، المكان كله مطاعم ..

جدول سياحي لأمنا الغاليه الكويت

يمكم متحف الكويت الوطني24565342 او 22451195 من ضمنه ( دار الاثار الاسلاميه 22400992 ، ومتحف التراث الشعبي 22429158 ) ويم المتحف بيت البدر واهو من اقدم البويت الكويتيه 22429158 ، ويمهم مكتبة الكويت الوطنية .

بعد ما اتخلصون من المتاحف تتجهون السالميه عند المارينا ويفز تحجزون على عباره ام الخير وتتجهون على جزيره فيلجا (فيلكا) واتمشوف فيها واتشوفون اثارها وترجعون الديره على 5 او 6 المغرب ..

تروحون الفندق وتريحون اشوي بعدها تروحون ، برج النصار مدينه الكويت ، يم فندق الشيراتون دور 32 اتعشون في مطعم ايطالي نسيت اسمه بس المكاان واايد حلوو راقي وهادي والطله فيه احلى واكله حلوو او اذا تبون اكل كويتي مطعم الستينيات في حولي شارع بيروت مقابل المطافي تقريبا..

وبجذي انتهى يومكم الاثري بما انه كله اثار ومتاحف.

اليوم الثاني عشر:

جدول سياحي لأمنا الغاليه الكويت

تروحون مدينه الكويت وبالتحديد منطقه دسمان (شرق) يم مجمع دسمان برج مشعل ، تحت مطعم baking try مقابل مطعم نواره . اتخلي برج الحمرا يمينك واتكمل سيده بعد الاشاره راح يبين برج مشعل وفيه المطعم .. ريوووقهم واايد حلو ..

بعد الريوق اتروحون الفندق اتريحون اشوي لان وراكم رحله بحريه عندكم مكتب سلسان لتأجير اليخوت هذا سايتهم http://www.silsan.net/New/charter.php ، مكانهم شارع الخليج بجانب مطعم مركز سلطان اتأجرون بروحكم من 1 – 4 على كيفكم جم ساعه تبون وتقدرون تروحون وتشوفون الجزر الكويتيه او يتمشى فيكم في الديره ما يطلع على الجزر انتوا اللي تختارون.

بعد ماتردون على المسيان وتريحون اتعشون في مطعم ساسو saso نفس مكان الريوق الجهه المقابله ل baking try ، بعد العشا تكونون حاجزين فيلم في 360 مول ..

اليوم الثالث عشر:

اتريقون في مطعم عبدالوهاب (لبناني) بوفيه ، شارع الخليج من بعد نادي ضباط الجيش ، .

بعد الريوق تتجهون منطقة العميريه على الدائري الخامس Kuwait zoo وبعد ما اتخلصون zoo تروحون منطقه المرقاب الدائري الاول صاله التزلج واتسون skating.
بعدها على 3 اتغدون في برج جاسم مقابل صاله التزلج : مطعم ماكي ياباني او ماضينا كويتي دور 28 او المغربي في نفس الدور ..

وبعدها تروحون جمعيه الشاميه منطقه الشاميه اتمشون فيها لان هذا الشي مو موجود عندكم اهو سوبر ماركت وسوق وكل شي فيها ، او جمعيه الروضه ( منطقه الروضه ) ..

بعد ما اتخلصون من الجمعيه اتروحون منطقه الجابريه ( متحف محمد الشيباني ، منطقة الجابريه قطع 5 شارع 3 تليفون 25320901 .. او تمرون الجهراء وتروحون القصر الاحمر ومنها تشوفون الجهراء.

اتخلصون من المكان اللي اخترتوه اتروحون مقهى شعبي سليمان الشميمري منطقه شرق يم سوق شرق واتعشون فيه او اذا تبون مطعم تروحون المطاعم اللي مقابله قصر السيف من بعد دوار المسيد الكبير مطعم the burger hub امريكي او مطعم pizetta ايطالي يمه او مطعم نارنج ( سوري ) في مجمع اولمبيا على شارع الخليج العربي بعد مارينا مول باتجاه المركز العلمي.

اليوم الرابع عشر و الخامس عشر:

تقدرون تحجزون شاليه لمده ليلتين او ليله وهذيل اسامي الشاليهات :

1- شاليهات الوطنية - منطقه الخيران- طريج 290 جنوب الكويت- تليفونهم 22425211.
2- منتزه الخيران- منطقه الخيران- طريج 278 جنوب الكويت- تليفونهم 23951122.
3- منتزه خليفه - منطقه جليعه- طريج 240 جنوب الكويت- تليفونهم 23280144 او 232407262.
4- شاليهات صالح شهاب- منطقه جليعه- طريج 245 جنوب الكويت- تليفونهم 23280573 / 23280571 / 23280865.
5- فندق ومنتجع سيشل - منطقه جليعه- طريج 245 جنوب الكويت- تليفونهم 1844444.
6- شاليهات الجون - منطقه جليعه - طريج 245 جنوب الكويت- تليفونهم 23281801 / 23281897.
7- فندق ومنتجع هيلتون- منطقه المنقف- جنوب الكويت خط فحيحيل الساحلي- شاليهات عاديه وشاليهات بحوض سباحه خاص- تليفونهم 22256222 / 23725500 / 23724348.
8- منتجع سفير الدانه - منطقه الفنطاس- طريج 209 جنوب الكويت خط فحيحيل الساحلي- تليفونهم 23902760.
9- فنادق ومنتجعات - موفنبيك ، شيك ، رمال ، النخيل - منطقه البدع - شارع التعاون.
تليفوناتهم : النخيل 25646266 / 1824060 ، موفنبيك : 22253100 ، شيك : 25725050.
10- منتجع صحارى- منطقه صبحان - على الدائري السادس بجانب نادي الصيد والفروسيه- شاليهات عاديه وشاليهات بحوض سباحه خاص - المنتجع واايد راقي واايد هادي - تليفونهم 1840084.
11- منتجع سليل الجهراء-منطقه الجهراء - شمال الكويت- تليفونهم 24575901 / 24567444.

ملااحظات :
- حديقه الشعب تصلح للكبار والاطفال.
- المدينه الترفيهيه تصلح للكبار والاطفال.
PRO KART تصلح للكبار والاطفال .
- المركز العلمي يصلح للكبار والاطفال.
- PAINTBALL تصلح للكبار والاطفال .
- المجمعات كلها فيها اماكن خاصه للاطفال.
- المتاحف تصلح للكبار والاطفال.
- نادي الصيد والفروسيه يصلحون للكبار والاطفال .
- اماكن للطائرات الورقيه في منطقه المسيله بجانب قريه المسيله المائيه او في منطقه بنيدر منطقه شاليهات .
- مجمع ديسكفري مدينه الكويت على الدائري الاول للاطفاال.
- مجمع الخليجيه منطقه شرق للاطفال.
- حديقة حولي بارك منطقه حولي للاطفال.
-المسرحيات في للاطفال وفي للكبار والحفلات والامسيات والندوات اعلانات يوميه في الجرايد (موسم مهرجان هلا فبراير- مواسم الاعياد)
- مخيم وزارة الدفاع اعتقد في منطقه صبحان ( فيه انشطة ترفيهيه) .
- مخيم شركة نفط الكويت اعتقد في منطقه جليعه جنوب الكويت (انشطه ترفيهيه).
-القصر الاحمر منطقه الجهراء.
- مزارع الوفره ( منطقه الوفره جنوب الكويت )
- الاكوا بارك مائيه ( في الصيف ) منطقه شرق تحت الابراج.
- قريه المسيله المائيه ( منطقه المسيله )في الصيف.
- ملاعب الصابون كوره القدم (في الصيف).
- ارض المعارض الدوليه في مشرف ( تشوفون اذا في معاض ولا لا بالجرايد )
- معارض الازياء والكماليات ( مثل بيت ديفا - دار يوشا منطقه جبله (القلبه) من ورا الكنيسه ويمه بيت ديمه - معرض افكاري بالري بجانب السوق الايراني - معارض في هلتون المنقف (التأكد اذا موجودين قبل ماتروحون) - معارض في صاله الشيخ سالم العلي في قرطبه ( التاكد قبل ماتروحون ) ، معارض فندق رمادا في منطقه الرقعي (التأكد قبل ماتروحون ).
- الشاليهات والمنتجعات ..

اتمنى يعجبكم الجدول وما اكون قصرت فيه واتمنى اني غطيت اغلب الاماكن في ديرتي الغاليه الكويت وان شاء الله اي شي يديد راح اضيفه على هالموضوع

واي استفسار بالخدمه

الموضوع الأصلي: جدول سياحي لأمنا الغاليه الكويت || الكاتب: q8ya metnaqla || المصدر: منتديات سفره

كلمات البحث

سفره ، سفريات ، جوائر ، مسابقات ، سفر، سياحة ، السعودية ، الكويت ، دبي ، لندن





[],g sdhpd gHlkh hgyhgdi hg;,dj [],g sdhpd gHlkh hg;,dj

 
رد مع اقتباس
قديم 01-31-2011, 04:37 PM   #2
ROCK
عضو مميز
افتراضي

مشكووووووووووووورة
مشكوووووووووورة
مشكوووووورة
التوقيع :
  رد مع اقتباس
قديم 01-31-2011, 10:22 PM   #3
q8ya metnaqla
مسافر مبدع
افتراضي

اقتباس:
المشاركة الأصلية كتبت بواسطة ROCK مشاهدة المشاركة
مشكووووووووووووورة
مشكوووووووووورة
مشكوووووورة
العفــــــــــــــــوووو
  رد مع اقتباس
قديم 01-31-2011, 10:23 PM   #4
q8ya metnaqla
مسافر مبدع
افتراضي

اللي حط الصور قواه الله
  رد مع اقتباس
قديم 02-01-2011, 12:42 AM   #5
الخالدي
عضو نشيط
 
الصورة الرمزية الخالدي
افتراضي

الصراحة اللي يقراه من بره الكويت والله صحيح ينفعه

واللي حطلج الصور ياأن Admin او Batman
  رد مع اقتباس
قديم 02-01-2011, 03:02 PM   #6
حمد
عضو جديد
افتراضي

أشكرك أختي على الجدول الرائع
حتى أنا أستفدت منه

وبأنتظار جديدك

تقبلي تحياتي
  رد مع اقتباس
قديم 02-02-2011, 10:04 AM   #7
orchid
عضو جديد
افتراضي

ما شاء الله حده عجيب
تسلمين حبوبه
  رد مع اقتباس
قديم 02-02-2011, 11:15 AM   #8
q8ya metnaqla
مسافر مبدع
افتراضي

اقتباس:
المشاركة الأصلية كتبت بواسطة الخالدي مشاهدة المشاركة
الصراحة اللي يقراه من بره الكويت والله صحيح ينفعه

واللي حطلج الصور ياأن admin او batman

مشكووورين على الصور ، وان شاء الله الكل يستفيد من الجدول واللي عنده اضافات يضيف عليه
  رد مع اقتباس
قديم 02-02-2011, 11:17 AM   #9
q8ya metnaqla
مسافر مبدع
افتراضي

اقتباس:
المشاركة الأصلية كتبت بواسطة حمد مشاهدة المشاركة
أشكرك أختي على الجدول الرائع
حتى أنا أستفدت منه

وبأنتظار جديدك

تقبلي تحياتي
العفــــو اخوي حمد والحمدالله انك استفدت منه


اقتباس:
المشاركة الأصلية كتبت بواسطة orchid مشاهدة المشاركة
ما شاء الله حده عجيب
تسلمين حبوبه
الله يسلمج حبيبتي
  رد مع اقتباس
قديم 02-08-2011, 11:51 AM   #10
q8ya metnaqla
مسافر مبدع
افتراضي

الامسيات الشعريه المقامه اليوم ( الدعوه مجانيه )

http://watanpdf.alwatan.com.kw/alwat...1-02-07/28.pdf


ليله العفاسي الانشاديه ( الدعوه مجانيه )

http://watanpdf.alwatan.com.kw/alwat...1-02-07/58.pdf

عرض الخدع البصريه

http://watanpdf.alwatan.com.kw/alwat...1-02-07/57.pdf

ندوات دينيه ( الدعوه مجانيه ) يوم الخميس 8/02/2011 سوق شرق

http://watanpdf.alwatan.com.kw/alwat...1-02-08/10.pdf

بعض الحفلات


http://watanpdf.alwatan.com.kw/alwat...11-02-07/2.pdf

http://watanpdf.alwatan.com.kw/alwat...11-02-07/3.pdf

http://watanpdf.alwatan.com.kw/alwat...1-02-07/64.pdf

جلسات كويتيه ( الدعوه مجانيه )

http://watanpdf.alwatan.com.kw/alwat...11-02-08/5.pdf

* قرية زين للاطفال موجوده في ( منطقه جنوب السره ، على الدائري السادس بجانب مول 360 )

* يوم الجمعه الموافق 25/02/2011 الاحتفال بالعيد الوطني على شارع الخليج تقريبا تبتدي من 2 الظهر و مساء العاب ناريه بجانب ابراج الكويت وعروض الليزر والاضاءه والابهار البصري .

* يوم السبت 26/02/2011 الاحتفال بعيد التحرير يقام عرض عسكري ( البري والجوي ) على طريق الصبيه على الساعه 10 صباحا بحضور سمو امير البلاد ومشاركة قاده ورؤساء الدول الشقيقه .

* يوم الاحد 27/02/2011 تكمله للاحتفالات ويقام مهرجان كرنفالي ومسيره شعبيه تنطلق على شارع الخليج .

* يوم الاثنين 28/02/2011 عرض عسكري بحري مرسى مارينا مول .

* يوم 25-26-27/02/2011 بارني واصدقاؤه في الكويت 3 عروض يوميا الاوقات 11 صباحا ، 3 العصر ، 6 المغرب .. في صاله التزلج ..

اسعار التذاكر تبتدي من : 5 دنانيير ، 10 ، 15 ، 20 ، 30 ، 45 ، 60 دينار

تباع التذاكر في فروع زين ( الافنيوز ، مول 360 ، مارينا مول ، بروي ) صاله التزلج .
  رد مع اقتباس
إضافة رد

مواقع النشر (المفضلة)

الكلمات الدليلية (Tags)
جدول سياحي لأمنا الكويت


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
جدول سياحي لحبي بريطانيا q8ya metnaqla سفرة الى بريطانيا - السياحة في بريطانيا Britan 15 03-27-2012 12:44 PM
جدول سياحي لزيارة أندونيسيا حورية السياحة في دول شرق آسيا 6 12-09-2011 11:46 PM
جدول بأسرع وقت ، قواكم الله ابو خالد سفره إلى تركيا و السياحه في تركيا Turkey 22 07-11-2011 03:38 AM
برنامج سياحي bosanac bosna السياحة في الدول الاوروبيه 8 06-11-2011 10:30 PM
برنامج سياحي لتونس nannou سفرة الى تونس - السياحة في تونس Tunisia 14 05-27-2011 03:09 AM

عدد الزوار : Canon Fax L500



الساعة الآن 02:39 AM

أقسام المنتدى

سفره إلى الشرق الأوسط | السياحة في الشرق الاوسط | سفره إلى الكويت و السياحة في الكويت KUW | سفره إلى الامارات UAE | سفره إلى البحرين Bahrain | سفره إلى قطر Qatar | سفره إلى عمان Oman | سفره إلى سوريا Syria | سفره إلى لبنان Lebanon | سفره إلى قارة أفريقيا | السياحة في دول افريقيا | سفره إلى المغرب Morocco | سفره إلى جنوب افريقيا south africa | ســـفــره إلــى باقي الدول الافريقية | سفره إلى قارة اوربا Europe | السياحة في الدول الاوروبيه | سفره إلى فرنسا و السياحة في فرنسا France | سفره إلى اسبانيا Spain | سفره إلى النمسا Austria | سفره إلى ايطاليا Italy | سفره إلى سويسرا Swiss | سفره إلى ألمانيا Germany | ســـفــره إلــى إلى باقي الـــدول الاوربية | سفره إلى أوكرانيا | سفره إلى البوسنة والهرسك | سفره إلى اليونان | سفره إلى تركيا و السياحه في تركيا Turkey | سفره إلى البرتغال | سفره إلى آسيا Asia | السياحة في دول شرق آسيا | سفره إلى تايلاند Thailand | سفره إلى اندونيسيا Indonesia | سفره إلى الصين و هونج كونج China & Hong Kong | سفره إلى الهند و سيرلانكا India & Srilanka | سفره إلى ماليزيا malaysia | ســـفــره إلــى باقي الدول الآسيوية | ســـفــره إلــى قـــارة امريكا واستراليا | سفره إلى الولايات المتحدة الأمريكية USA | سفره إلى استراليا Australia | سفره إلى البرازيل brazil | سفره إلى نيوزلاندا New Zealand | بوابة الأعضاء | الاقتراحات والآراء والشكاوي | سوق سلع ومعدات السفر | دول الشرق الاوسط الاخرى | السياحة في امريكا واستراليا | ديوانية الأعضاء | البوابة العامة | السفرات الرياضية | السفرات والرحلات البريه والبحرية | السفرات والبعثات الدراسية | المواقف الطريفه للسفر | البعثات الاوربيه | البعثات الى امريكا | البعثات الى اسيا | البعثات الى افريقيا | بوابة safrah.com العامة لجميع المواضيع | قسم الأسرة | سفرة الى مصر - السياحة في مصر Egypt | سفرة الى تونس - السياحة في تونس Tunisia | سفرة الى السعودية - السياحة في السعودية Saudi | سفرة الى السعودية - السياحة في السعودية Saudi | سفرة الى بريطانيا - السياحة في بريطانيا Britan |



Powered by vBulletin™ Version 3.8.7
Copyright © 2018 vBulletin Solutions, Inc. All rights reserved. diamond
This Forum used Arshfny Mod by islam servant